Ek droom ek is ‘n swaeltjie
wat vlieg in die hemelruim
Ek sweef bo-oor die wolke
Ek val en tol en styg weer op
Ek vlieg bo-oor die woude
oor berge en oor die groot, blou see
Ek sê dankie dat daar lug is
vir my vlerke en my vryheid
Ek woon in al die groot stede
In Berlyn, Parys en in Amsterdam
Ek’s naby alles wat ver is
Ek maak nes in die Kaap en Kroonstad
Saans as dit nag is
slaap ek in die hoek van jou stoep
in neste van modder en vere
klei en gras vir sagtheid en warmte
As ek droom vlieg ek na Wallis
om te kyk wat die bure maak
en môre as ek weer terug is
as ek wakker word, is ek weer Janneman