luister/download: Die Einde
Ek word wakker kry ‘n koffie
Ek moes geweet het iets loop skeef
Vir dae al val die reën neer die dorp verspoel al
Die katte kerm by die deur
Die antichris praat op die TV
hy’t ‘n see van mensevoorkoppe gemerk
al sê die Bybel dat die dier hul sou verlei
kon hul hom glad net nie herken nie
Al die krete om aanvaarding
word in die Heer se naam verwerp
Ek stuur ‘n boodskap uit na almal wat ek ken
dis al weer apokolips en jy moet sink of swem
jou storie ken
Einde, dit is die einde
Dis die einde van ons tyd
So teen Junie of teen Mei
Einde, dit is die einde
dit was lekker maar dis verby
fluit-fluit die storie’s uit
Ek gaan sit daar by die kaggel
Ek wil my laaste dae geniet
en ek maak my beste wyn oop
dit haal asem ek sluk diep
Openbaring se vier ruiters
loop reeds los op die planeet
Pestilensie kom van Sjina
Poetin se oorlog duur nog voort
‘n pastoor toor ‘n volk dat hul hulself vermoor
deur net nooit weer iets te eet nie
Ek stuur ‘n boodskap uit na almal wat ek ken
dis al weer apokolips en jy moet sing of swem
jou storie ken
Einde, dit is die einde
Dis die einde van ons tyd
So teen Junie of teen Mei
Einde, dit is die einde
dit was lekker maar dis verby
fluit-fluit die storie’s uit
ek sien die einde’s nog nie hier nie
ek gaan kry maar nog ‘n koffie