Op die dag van sy bevryding
het die vreugdevuur gebrand
daar was blydskap in die mense
in die hart van hierdie land
dit het gewemel in die strate
selfs die gryses het gesê
hulle is bly dat hulle kinders
ook nou vryheid sal kan hê
met die jare wat verloop het
het die glimlagte verstryk
en al die vreugdesvure
het na rubber begin ruik
jy trou miskien vir jare
maar die bruilof duur ‘n dag
en dan werk jy weer van voor af
om geluk hier op te bou
Met monsters in die mure
wat die haat gekoester hou
Oh no
Die duiwel lê daar in die detail
sy hand nog op die Bybel
waarmee hy jou kom label
nie jy nie, jy hoef dit nie te glo nie
sê dit is nie so nie
vertrou jou eie oë nie?
maar eendag kom die waarheid
op sy perd hier aangery
en almal wat gepreek het
moet in stilte gaan bely
want ons wil jul nie meer hoor nie
al die haat moet nou verby
want ons wil ‘n land van voorspoed
waar almal in kan bly
en dit is in ons se hande
om ons koppe te bevry
sê jy
vryheid, voorspoed en gelykheid
lei tot goed soos blyheid, liefde en geluk
vrede rym so goed met lewe
altyd in die hede
vir ‘n kort besoek
Die duiwel lê daar in die detail
sy hand nog op die Bybel
waarmee hy jou kom label
nie jy nie, jy hoef dit nie te glo nie
sê dit is nie so nie
vertrou jou eie oë nie?