***** Wow!
Rapport Tydskrif 3/27/2005
Wikus du Toit
In Afrikaans het daar nog bitter min albums verskyn wat perfek is. Dalk Coenie de Villiers se Skoppensboer, Laurinda Hofmeyr se Ligdag, of Amanda Strydom se Op 'n klein blou ghoen. maar self daai albums het nie 100% die kol getref nie, hoewel dit loshande die beste is wat ons land gesien het. Wel, Riku Lätti se nuwe album is ook amper perfek! Die album werk net op soveel vlakke dat jy verstom gaan staan oor hierdie man se idees, kreatiwiteit en skryfvermoë. Dis werklik iets spesiaals. Dink aan iets tussen R.E.M. en Green Day. Tussen Maroon 5 en David Gray! Luister veral na My Amerika en Osama bin Laden, wat albei so sterk satiries kommentaar lewer op die toestand van ons wêreld dat Lätti meer sê as wat enige politikus ooit kan. Maar om alles te kroon, bevat hierdie album ook nog een van die beste Afrikaanse songs tot nog toe: Smoorverlief. Absoluut briljant.
Luister ook na die beautiful duet saam met Laurika Rauch, Op die maan. Verstommend. Hierdie album is so na aan perfek as wat hulle kom en dis ongelooflik great om weer en weer daarna te luister, want elke keer hoor jy iets verder weg, dieper en meer kreatief! Wow!